امدرمان: نضال عثمان
جدد الفريق اول ركن ياسر عبد الرحمن العطا، عضو مجلس السيادة، مساعد القائد العام للقوات المسلحة، ثقته الكبيرة في ابطال القوات المسلحة مؤكدا انهم سطروا ملاحم بطولية اخبروا من خلالها كل العالم بان ضباط الجيش السوداني لا يباعوا ولا يشتروا واضاف: (نحن ماعندنا تمن لان اخونا الاستشهد امبارح روحه غالية وما بنقدر نقيما بى كم وما عندها قيمة وما بتتقيم الا بمجموعة من القيم واي عميل ما بعرف هذه القيم ولا القيمة التي لا يعرفها الابطال الذيو الماشين في درب الشهادة).. العطا كان يتحدث لمتحرك (ملوك القل) بمنطقة وادي سيدنا ويشير للشهيد البطل الرائد لقمان الطيب.
وقال العطا: (نحن سكتنا واحدة وطريقنا واحد.. النصر او الشهادة.. سننتصر لهذه الامة.. سننتصر لهذا الشعب) وختم العطا حديثه قائلا: (عندنا معارك كبيرة وحاسمة في كل المناطق في العاصمة الخرطوم.. سنستخدم فيها اكبر قدر يسمح بيه القائد العام للقوات المسلحة للقوة الخفية والمميتة ، نحن نستأذن السيد القائد وقد بدت تباشير النصر وستكتمل باذن الله قريبا).
